इन्फान्टिनोलाई फ्रान्सको समर्थन फिर्ता, अध्यक्ष डियालोले भने– ‘विश्वास टुट्यो’

फ्रान्सेली फुटबल महासंघ (एफएफएफ) ले फिफा अध्यक्ष जियानी इन्फान्टिनोको आगामी वर्ष हुने पुनःनिर्वाचन अभियानलाई दिएको समर्थन फिर्ता लिएको छ। एफएफएफका अध्यक्ष फिलिप डियालोले विश्व फुटबलको सर्वोच्च निकायका प्रमुखप्रतिको विश्वास टुटेकाले समर्थन फिर्ता लिने निर्णय गरिएको बताएका छन्।

डियालोका अनुसार एफएफएफको कार्यसमितिले बिहीबार सर्वसम्मत रूपमा इन्फान्टिनोलाई समर्थन नगर्ने निर्णय गरेको हो। ‘फिफा अध्यक्षमाथि राखिएको विश्वास टुटेको छ। विश्व फुटबल कसरी सञ्चालन हुनुपर्छ भन्ने हाम्रो दृष्टिकोण र अहिले भइरहेको सञ्चालनबीच अब मेल छैन,’ डियालोले भने।