२५ वर्षपछि पनि ९/११ अमेरिकीका लागि ‘सबैभन्दा सम्झनलायक’ घटना

सेप्टेम्बर ११, २००१ मा अमेरिकामा भएको आतंकवादी आक्रमणको २५ वर्षपछि पनि यो घटना धेरै अमेरिकीका लागि जीवनकै सबैभन्दा महत्वपूर्ण ऐतिहासिक घटनामध्ये एक रहेको नयाँ सर्वेक्षणले देखाएको छ।

इप्सोसले गरेको सर्वेक्षणमा करिब आधा अमेरिकी वयस्कले आफ्नो जीवनकालका सबैभन्दा महत्वपूर्ण ऐतिहासिक घटनाबारे सोध्दा ९/११ को आक्रमण उल्लेख गरेका हुन्। कोरोना महामारी, बाराक ओबामा र डोनाल्ड ट्रम्पको राष्ट्रपति निर्वाचनलगायत त्यसपछिका महत्वपूर्ण घटनाका बाबजुद ९/११ को प्रभाव बलियो देखिएको हो।