मुटुको समस्या बढेपछि मादुरोकी पत्नीले घरमै नजरबन्द मागिन्

भेनेजुएलाका पूर्वराष्ट्रपति निकोलस मादुरोकी पत्नी तथा पूर्वप्रथम महिला सिलिया फ्लोरेस डे मादुरोले मुटुको अवस्था बिग्रिँदै गएको भन्दै अमेरिकी हिरासतबाट रिहा गरेर घरमै नजरबन्दमा राख्न माग गरेकी छिन्।

बुधबार अदालतमा दिएको निवेदनमा उनका वकिलले फ्लोरेसलाई न्यूयोर्कको म्यानहट्टनस्थित निवासमा मुद्दाको टुंगो नलागेसम्म घरमै नजरबन्दमा राख्न अनुमति दिन आग्रह गरेका हुन्। उनका अनुसार जनवरी ३ मा भेनेजुएलाबाट पक्राउ गरेर अमेरिका ल्याएपछि उनको स्वास्थ्य बिग्रिएको छ।