संविधान संशोधन गर्न पूर्वप्रधानन्यायाधीशको नेतृत्वमा शक्तिशाली आयोग गठन गरियोस् - कांग्रेस

काठमाडौँ । प्रमुख प्रतिपक्ष दल नेपाली कांग्रेसले संविधान संशोधनका लागि पूर्वप्रधानन्यायाधीशको नेतृत्वमा शक्तिशाली सर्वपक्षीय आयोग गठन गर्न सरकारसँग माग गरेको छ ।

मंगलबार प्रतिनिधि सभा बैठकमा बोल्दै कांग्रेसका नेता अर्जुननरसिंह केसीले सो माग गरेका हुन् । उनले सत्ता वरिपरिको बहसले मात्रै संविधान संशोधनको विषय मान्य नहुने स्पष्ट पार्दै विज्ञहरूसहित सम्मिलित पूर्वप्रधानन्यायाधीश नेतृत्वको शक्तिशाली आयोग गठन गरी राष्ट्रिय सम्वादका लागि गोलमेच सम्मेलन गर्नु अतिआवश्यक भईसकेको जिकिर गरे ।