बाढीले विक्षिप्त मन कसरी सम्हाल्ने ?

भोटेकोशीमा आएको विनाशकारी बाढीले रसुवा, नुवाकोट धादिङ लगायतका जिल्लामा घर मात्रै बगाएन, धेरैको जीवन बगायो । कतिले आफ्नै आँखाअघि श्रीमान्, श्रीमती वा सन्तानलाई बगाएको देखे । कोही आफन्तको खोजीमा अहिलेसम्म भौंतारिइरहेका छन् ।

जो बाँचेका छन्, उनीहरूको मनभित्र बाढीको त्रास अझै बगिरहेकै छ । निद्रा लाग्दैन, सानो आवाजमा झस्किन्छन्, आँखामा घटनाको झझल्को आइरहन्छ र सपनामा गुमाएका आफन्त फर्केर आएको देख्छन् ।