नयाँ सम्झौताले इरान थप बलियो बन्ने संकेत

रोयटर्स। सन् १९७९ को इस्लामिक क्रान्तिपछि पहिलोपटक अमेरिकी र इरानी राष्ट्रपतिबीच भएको सम्झौताले मध्यपूर्वको राजनीतिक तथा सुरक्षा समीकरणमा ठूलो परिवर्तन ल्याउने संकेत देखिएको छ। सम्झौताका समर्थकहरूले यसलाई ‘शताब्दीको सम्झौता’ भनेका छन् भने इरानका क्षेत्रीय प्रतिद्वन्द्वीहरूले यसलाई आफ्नो हितविपरीत विकासका रूपमा हेरेका छन्।

अमेरिकी राष्ट्रपति डोनाल्ड ट्रम्प र इरानी राष्ट्रपति मसउद पेजेशकियनले बुधबार अन्तरिम सम्झौतामा हस्ताक्षर गर्दै तीन महिनादेखि जारी युद्ध अन्त्य गरेका थिए। जी–७ शिखर सम्मेलनका क्रममा फ्रान्सको भर्साइमा औपचारिक रूपमा सम्पन्न गरिएको उक्त सम्झौतालाई द्वन्द्वपछिको नयाँ अन्तर्राष्ट्रिय शक्ति सन्तुलनको संकेतका रूपमा हेरिएको छ।