बजेटमा एफएनसीसीआईको २१८ बुँदे सुझाब, पूँजी बजारदेखि बैंक र बीमासम्म सुधारको माग

नेपाल उद्योग वाणिज्य महासंघ (एफएनसिसीआई) ले आगामी आर्थिक वर्ष २०८३/८४ को बजेटका लागि सरकारलाई २१८ बुँदे सुझाव दिएको छ । सेयर बजार, बैंक तथा वित्तीय संस्था तथा बीमा क्षेत्रमा आमुल परिवर्तनको माग सहित सरकारलाई सुझाब दिएको हो ।

महासंघले पूँजी बजारलाई अर्थतन्त्रको ऐनाका रूपमा व्याख्या गर्दै हालको सुस्त अवस्थाबाट बाहिर निकाल्न नियामक संरचनादेखि कर प्रणालीसम्म व्यापक सुधार आवश्यक रहेको उल्लेख गरेको छ । महासंघले सबैभन्दा पहिले नेपाल धितोपत्र बोर्डलाई पूर्ण स्वायत्त, शक्तिशाली र राजनीतिक हस्तक्षेपमुक्त बनाउनुपर्ने आवश्यकता औंल्याएको छ । हालको सरकारी नियन्त्रण र प्रशासनिक प्रभावले बजारको गतिशीलता प्रभावित भइरहेको भन्दै नियामक निकायलाई संस्थागत रूपमा मजबुत बनाउनुपर्ने धारणा प्रस्तुत गरिएको छ ।