टेबलटेनिसमा नेपालकी योङ्गी पौडेल पहिलो

काठमाडौं । दक्षिण कोरियामा भएकोे याङ योङ जा टेबलटेनिस मिसन (वाइटिटिएम) अन्तरराष्ट्रिय प्रशिक्षण शिविरअन्तर्गत आयोजित वाइटिटिएम टेबलटेनिस च्याम्पियनसिपमा नेपालकी योङ्गी पौडेलले पहिलो स्थान हासिल गरेकी छन् ।

यही जेठ २ देखि १२ गतेसम्म दक्षिण कोरियाको इन्चोनमा भएको उक्त च्याम्पियनसिपमा नेपालकी युवा खेलाडी योङ्गी पौडेलले यू–१९ विधातर्फ उत्कृष्ट खेल प्रदर्शन गर्दै प्रथम स्थान हासिल गरेकोे अखिल नेपाल टेबलटेनिस सङ्घका कोषाध्यक्ष ज्याकी महर्जनले जानकारी दिइन् ।