बंगलादेशलाई हराउँदै भारत एसिया कपको फाइनलमा

भारत महिला टी-२० एसिया कपको फाइनलमा प्रवेश गरेको छ। बिहीबार दुबईमा भएको सेमिफाइनलमा बंगलादेशलाई ४० रनले पराजित गर्दै भारतले लगातार छैटौँ पटक फाइनलमा स्थान बनाएको हो।

टस हारेर पहिले ब्याटिङ गरेको भारतले २० ओभरमा ६ विकेट गुमाएर १४९ रन बनाएको थियो। भारतका लागि शेफाली वर्माले सर्वाधिक ६४ रन बनाइन्। उनले ४० बलमा आफ्नो अर्धशतक पूरा गर्दै भारतलाई चुनौतीपूर्ण योगफलतर्फ डोर्‍याइन्। शेफालीले खेलका क्रममा चार पटक जीवनदानसमेत पाएकी थिइन्।