पोखरा–दुबई उडानमा फ्लाई दुबईको चाँसो

पोखरालाई सिधैं मध्यपूर्वको गन्तव्यसम्म जोड्नेगरि पोखरा–दुबई उडानको सम्भाव्यता अध्ययन भईरहेको छ। फ्लाई दुबईले पोखरा–दुबई उडानका लागि चाँसो देखाएको हो। त्यसका लागि फ्लाई दुबईको टोलीले पोखरा अन्तर्राष्ट्रिय विमानस्थलको पहिलो चरणको अवलोकन पनि गरिसकेको छ।

पोखरा क्षेत्रीय अन्तर्राष्ट्रिय विमानस्थलका अनुसार फ्लाई दुबईको टोली दोश्रो पटकका लागि जुन २ मा फेरि पोखरा आउँदैछ। पोखरालाई दुबईसम्म जोड्ने चाँसोका साथ फ्लाई दुबईका प्रतिनिधि पोखरा आएको पोखरा क्षेत्रीय अन्तर्राष्ट्रिय विमास्थलका प्रमुख जगन्नाथ निरौलाले जानकारी दिए। उनका अनुसार फ्लाई दुबईको एउटा टोली प्रारम्भीक रुपमा अध्ययन गरेर फर्किसकेको छ भने दोश्रो टोली आउने तयारीमा छ।