बजेट निजी सम्पत्ति होइन, सबैको साझा दस्ताबेज बन्नेछ : मन्त्री तामाङ

मकवानपुर । बागमती प्रदेशका आर्थिक मामिला तथा योजना मन्त्री प्रभात तामाङले आगामी आर्थिक वर्षको बजेटले सांसदहरूका रचनात्मक सुझाव र आम नागरिकको आवश्यकतालाई सम्बोधन गर्ने बताएका छन् ।

मङ्गलबार बसेको प्रदेशसभाको बैठकमा विनियोजन विधेयकका सिद्धान्त र प्राथमिकता माथिको छलफलमा उठेका प्रश्नहरूको जवाफ दिँदै मन्त्री तामाङले बजेट निर्माण प्रक्रियालाई पारदर्शी र सहभागितामूलक बनाइएको बताए।