साढे तीन हजार बाढीपीडित होल्डिङ सेन्टरमा

भदौ १० गते आएको भोटेकोसी बाढीबाट घरबारवीहिन भएका र उद्धार गरिएकामध्ये तीन हजार ६८५ जना अझै पनि विभिन्न ठाउँका होल्डिङ सेन्टरमा आश्रय लिएर बसिरहेका छन्। उनीहरू कहिलेसम्म होल्डिङ सेन्टरमा बस्छन् भन्ने अझै टुंगो लागेको छैन। पूर्वाधार विकास मन्त्रालय मातहतको सहरी विकास तथा भवन निर्माण विभागका आवास महाशाखाका सिनियर डिभिजन इन्जिनियर टंक गौतमका अनुसार बिहीबार साँझसम्म काठमाडौं, रसुवा, नुवाकोट र धादिङमा राखिएका ३७ होल्डिङ सेन्टरमा बाढीपीडित बस्दै आएका छन्।

उनले भने, ‘रसुवाका ६ र काठमाडौंका तीन होल्डिङ सेन्टरमा ७७५, नुवाकोटका २५ होल्डिङ सेन्टरमा दुई हजार ६१५ र धादिङका तीन होल्डिङ सेन्टरमा २९५ बाढीपीडित छन्।’