नेपाल पर्यटन बोर्डको सीईओका लागि दरखास्त आह्वान

नेपाल पर्यटन बोर्डले कार्यकारी प्रमुख (सीईओ) पदका लागि दरखास्त आह्वान गरेको छ।

बोर्डको कार्यकारी प्रमुख छनोट तथा नियुक्ति सिफारिस उपसमितिले शुक्रबार सूचना प्रकाशित गर्दै योग्यता पुगेका नेपाली नागरिकबाट आवेदन माग गरेको हो। नेपाल पर्यटन बोर्ड ऐन, २०५३ बमोजिम स्थापना भएको बोर्डको सीईओ पदका लागि इच्छुक उम्मेदवारले सूचना प्रकाशित भएको मितिले १० दिनभित्र आवश्यक कागजातसहित आवेदन दिनुपर्नेछ। अन्तिम दिन सार्वजनिक बिदा परेमा त्यसपछि कार्यालय खुलेको दिनको कार्यालय समयभित्र आवेदन दिन सकिनेछ।