कोसी प्रदेशका आन्तरिक मामिलामन्त्रीको निवासमा मध्यराति प्रहरीको खानतलासी

विराटनगर । कोसी प्रदेशका आन्तरिक मामिला तथा कानुनमन्त्री इन्द्रमणि पराजुलीको विराटनगरस्थित सरकारी निवासमा मध्यराति प्रहरीले छापा मारेको छ ।

बिहीबार राति ११ बजे विराटनगर महानगरपालिका–३ स्थित ल क्याम्पस नजिकैको निवासमा प्रहरी पुगेर खानतलासी गरेको मुख्यमन्त्री हिक्मतकुमार कार्कीका प्रेस सल्लाहकार विक्रम लुइँटेलले बताए । उनका अनुसार प्रहरी के कति कारणले मन्त्री निवासमा खानतलासी गरेको भन्ने खुल्न सकेको छैन ।