उर्जा बचत गर्ने एलजीको स्मार्ट एसी

काठमाडौं । एलजी इलेक्ट्रोनिक्सले नेपालमा नयाँ डुअलकुल इन्भर्टर एयर कन्डिसनर सार्वजनिक गरेको छ । कम्पनीले सीजी इलेक्ट्रोनिक्ससँगको सहकार्यमा काठमाडौंमा मंगलवार आयोजित विशेष कार्यक्रममा ‘किलोवाट म्यानेजर’ प्रविधियुक्त नयाँ एसी श्रृंखला सार्वजनिक गरेको हो ।

कम्पनीका अनुसार नयाँ प्रविधिले प्रयोगकर्तालाई विद्युत् खपत व्यवस्थापन गर्न सहयोग गर्नेछ । प्रयोगकर्ताले आफ्नो आवश्यकताअनुसार विद्युत् प्रयोगको सीमा निर्धारण गर्न सक्ने, वास्तविक समयमै खपत अनुगमन गर्न सक्ने तथा अत्यधिक विद्युत् प्रयोगबारे सूचना पाउने सुविधा उपलब्ध हुने बताइएको छ ।