बुटवलका उद्योगीलाई चुनाव लाग्यो, वडाध्यक्ष पनि उम्मेदवार बन्ने दौडमा

बुटवल- बुटवल उद्योग वाणिज्य संघ रुपन्देहीमा नयाँ नेतृत्वका लागि चुनावी सरगर्मी सुरु भएको छ। असोज २१-२३ गते हुने २६ औँ अधिवेशनबाट चयन हुने नेतृत्वका लागि आकांक्षी उद्योगी व्यवसायीहरूले गृहकार्य थालेका हुन्।

बुटवलको अग्रणी संस्थाका रुपमा परचित बुटवल उद्योग बाणिज्य संघको अध्यक्षमा तीन जना मुख्य आकांक्षी देखिएका छन्। वर्तमान वरिष्ठ उपाध्यक्ष टंकप्रसाद गैरेले अध्यक्षमा आफ्नो स्वाभाविक दाबी रहेको बताएका छन्। आफ्नो जीवनको १८ वर्ष उद्योग बाणिज्य संघमा बिताएकाले अब आउने अधिवेशनबाट व्यवसायीहरूले सर्वसम्मत रुपमा अध्यक्ष बनाउने उनको विश्वास छ। गैरेले आफू व्यवसायीहरूकै बीचबाट आएको बताउँदै अग्रजहरूको आशीर्वाद र सहकर्मीहरूसँग छलफलमा जुटेको बताए।