ट्रम्प–सी भेटपछि ‘क्वाड’ गठबन्धनमा सकस, एसिया–प्रशान्त रणनीति पनि अन्योल

अमेरिकी राष्ट्रपति डोनाल्ड ट्रम्पले चीनसँग सम्बन्ध सुधारतर्फ कदम चालिरहेका बेला एसिया–प्रशान्त क्षेत्रमा चीनको प्रभावलाई सन्तुलन गर्न गठन गरिएको ‘क्वाड’ गठबन्धनको भविष्यप्रति गम्भीर प्रश्न उठ्न थालेका छन् ।

विश्लेषकहरूले अमेरिकाको प्राथमिकता एसियाबाट मध्यपूर्व र पश्चिमी गोलार्द्धतर्फ सर्दै जाँदा ‘क्वाड’ गठबन्धनले आफ्नो उद्देश्य नै स्पष्ट गर्न संघर्षरत रहेको बताएका छन् ।