‘सुत्केरी मृत्यु प्रकरणः उपचारमा संलग्नमाथि छानबिन गर्न सांसदहरूको माग

सुत्केरी गराउन प्रादेशिक अस्पताल जनकपुरमा पुगेकी धनुषाको औरही गाउँपालिका–२, देउरीकी २६ वर्षीया अञ्जिना यादवको मृत्यु प्रकरणमा राष्ट्रिय स्वतन्त्र पार्टीका सांसद रामविनोद यादवले छानबिन समिति गठन गर्न सरकारसँग माग गरेका छन्।

उनले मंगलबार प्रतिनिधि सभाको बैठकमा बोल्दै सुत्केरी अञ्जिनाको उपचारमा संलग्न चिकित्सकमाथि छानबिन गरी कारबाहीको माग गरेका हुन्। चिकित्सकको लापरवाहीले अञ्जिनाको मृत्यु भएपछि पीडित पक्षले आन्दोलन गर्दा चिकित्सकले ‘पेनडाउन’ को नाममा स्वास्थ्य सेवा बन्द गर्ने कार्य तुरुन्त रोक्न उनले सरकारलाई ध्यानाकर्षण गराएका छन्।