राजेन्द्र लिङ्देनले बोलाएको बैठकमा को–को गएनन् ?

काठमाडौँ । राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले बोलाएको केन्द्रीय समिति बैठकमा पार्टीका तीन पूर्वअध्यक्षसहित दर्जनौँ पदाधिकारी तथा केन्द्रीय सदस्य अनुपस्थित भएका छन्।

केन्द्रीय सदस्य जनकराज पाठकका अनुसार बैठकमा पूर्वअध्यक्षहरू पशुपतिशमशेर जबरा, प्रकाशचन्द्र लोहनी र कमल थापा उपस्थित भएनन्। त्यसैगरी उपाध्यक्ष विक्रम पाण्डे, महामन्त्री कुन्तीकुमारी शाही, सहमहामन्त्रीहरू रविन्द्रप्रताप शाह र रिना गुरुङ, सहायक महामन्त्रीहरू प्रेम बलायर र ऋषिराज देवकोटा तथा सहायक प्रवक्ता प्रविण थोकर पनि बैठकमा सहभागी भएनन्।