‘पर्यटकहरूका संवेदनशील विवरण लिक भए अन्तर्राष्ट्रिय स्तरमा नेपालको छवि के होला ?’

काठमाडौँ । प्रतिनिधि सभा सदस्य बिपिन कुमार आचार्यले नेपालमा आउने पर्यटकहरूको गोपनीयता र डेटा सुरक्षाको विषयमा ध्यान नदिइएको भन्दै प्रश्न उठाएका छन् । मङ्गलबार प्रतिनिधि सभाको बैठकमा पर्यटन विधेयक २०८२ माथि भएको छलफलमा सहभागी हुँदै आचार्यले पर्यटकहरूको पासपोर्ट विवरण र व्यक्तिगत तथ्यांकको सुरक्षामा चासो व्यक्त गरे ।

“पर्यटन क्षेत्रमा, चाहे त्यो जहाजको टिकट बुक गर्ने कुरा होस् वा होटलमा कोठा लिने समयमा, पर्यटकहरूबाट पासपोर्टको प्रतिलिपि लगायतका अति संवेदनशील विवरणहरू लिइन्छ,” उनले भने, “तर, ती डकुमेन्टहरू कत्तिको सुरक्षित छन् भन्ने हामीलाई थाहा छैन ।”