भक्तपुरमा छोराको कुटपिटबाट गयो आमाको ज्यान

भक्तपुर : सूर्यविनायक-९ भातेढिकुरमा छोराको कुटपिटबाट आमाको ज्यान गएको छ । ज्यान गुमाउनेमा उदयपुरको कटारी नगरपालिका-५ घर भई भातेढिकुर बस्दै आएकी ४० वर्षीया मेघिया चौधरी रहेकी छन् ।

शुक्रबार साँझ करिब पौने ८ बजेको समयमा २४ वर्षीय छोरा किरण चौधरीले कुटपिट गरेपछि गम्भीर घाइते भएकी चौधरीको ज्यान गएको प्रहरीले जनाएको छ । उनी श्रीमान र छोरासहित भातेढिकुरमा बस्दै आएकी थिइन । ज्याला मजदुरी गर्दै जीविका चलाउने चौधरी परिवारमा सामान्य घरायसी विवादले हत्या जस्तो जघन्य अपराध निम्त्याएको जिल्ला प्रहरी परिसर भक्तपुरका प्रहरी उपरीक्षक सूर्यबहादुर खड्काले बताए ।