न्युयोर्कमा ९/११ को २५औँ स्मृति दिवस

न्युयोर्क- अमेरिकाको न्युयोर्क सहरले सन् २००१ सेप्टेम्बर ११ मा भएको आतङ्कवादी हमलाको २५औँ वार्षिकोत्सव शुक्रबार मनाउँदैछ । हमलामा ज्यान गुमाएका दुई हजार ९७७ जनाको स्मरणमा आयोजित समारोहमा राष्ट्रपति डोनाल्ड ट्रम्प सहभागी नहुने भए पनि पूर्वराष्ट्रपतिहरू जर्ज डब्लु बुश, बाराक ओबामा, बिल क्लिन्टन र जो बाइडेन तथा न्युयोर्कका पहिलो मुस्लिम मेयर जोहरान ममदानी सहभागी हुनेछन् ।

राष्ट्रपति ट्रम्पले न्युयोर्कको ‘ग्राउन्ड जिरो’ को सट्टा पेन्टागनमा श्रद्धाञ्जलि अर्पण गर्नेछन् । समारोहमा मृतकका परिवारका सदस्यहरूले सबै पीडितको नाम स्मरण गर्नुका साथै घटनाका प्रमुख समय सम्झन घण्टी बजाउनेछन् । न्युयोर्क हार्बरमाथि मृतक प्रत्येक व्यक्तिको सम्झनामा दुई हजार ९७७ बत्तीको ड्रोन प्रदर्शन गरिनेछ ।