विधि विज्ञान प्रयोगशाला विषयमा विज्ञसहित दफावार छलफल गर्ने समितिको निर्णय

काठमाडौँ- शिक्षा, स्वास्थ्य तथा सूचना प्रविधि समितिको बिहीबार सिंहदरबारमा बसेको बैठकमा विधि विज्ञान प्रयोगशालाको स्थापना र सञ्चालनसम्बन्धी विषयमा छलफल भएको छ।

शिक्षा तथा खेलकुदमन्त्री सस्मित पोखरेलसमेत उपस्थित उक्त बैठकमा विधि विज्ञान प्रयोगशालाको स्थापना र सञ्चालनबारे समिति सदस्यहरूले आआफ्नो धारणा राखेका समिति सभापति डा.ओजस्वी शेरचनले जानकारी दिइन्।