कांग्रेसको महाधिवेशन कार्यतालिका रोकेर निर्णायक वार्ता गर्न नेताहरूको अपिल

​काठमाडौं । नेपाली कांग्रेसका केही नेताहरूले पार्टीको १५औँ महाधिवेशनको जारी कार्यतालिका रोकेर तत्काल निर्णायक वार्ता प्रारम्भ गर्न माग गरेका छन् । पार्टीभित्रको आन्तरिक कलह र गुटगत विवाद समाधान नभएको भन्दै निर्णायक वार्ता गर्न माग गरेका हुन् ।

पूर्व​उपसभापति महालक्ष्मी उपाध्याय (डिना), पूर्वमुख्यमन्त्री जीवनबहादुर शाही, श्याम घिमिरेसहितका नेताहरूले संयुक्त विज्ञप्ति जारी गर्दै पार्टीको सम्पूर्ण एकताका लागि विशेष अपिल गरेका हुन् ।