एमाले सल्लाहकारहरूको सुझाव : ओली कुटी खारेज गरौं, पार्टी कोषबाटै बालकोट घर मर्मत गरौं

२५ भदौं, काठमाडौं । नेकपा एमालेका सल्लाहकारहरूले अध्यक्ष केपी शर्मा ओलीको निवास पार्टी कोषबाटै मर्मत गर्न सुझाव दिएका छन्।

एमाले पुनर्गठन कार्यदलले सुझाव लिँदा उनीहरुले बालकोटस्थित निवास पार्टी कोषबाटै मर्मत गर्ने विकल्प दिएका हुन् । ‘ओली कुटी प्रोजेक्ट खारेज गरी पार्टी अध्यक्षको बालकोटस्थित घरलाई पार्टीकै कोषबाट मर्मत गर्ने व्यवस्था गरेर छवि सुधार गर्नुपर्छ,’ सल्लाहकारहरूले दिएको सुझावलाई महासचिव शंकर पोखरेलले आफ्नो प्रतिवेदनमा लेखेका छन्।