कर्मचारी सञ्चय कोषलाई समय सापेक्ष बनाउन ऐन संशोधन गर्न लागिएको हो :  अर्थमन्त्री वाग्ले

काठमाडौँ । अर्थमन्त्री डा.स्वर्णिम वाग्लेले कर्मचारी सञ्चय कोष रकम जम्मा गरेर राख्ने मूल उद्देश्य नभएको बताएका छन् । शुक्रबार प्रतिनिधिसभा बैठकमा कर्मचारी सञ्चय कोष ऐन २०१९ संशोधन गर्न बनेको विधेयक सैद्दान्तिक छलफल सांसदहरूले राखेको धारणको जवाफ दिँदै यस्तो बताएका हुन् ।

अर्थमन्त्री वाग्लेले कर्मचारी सञ्चय कोष रकम जम्मा गरेर परिचालन गर्नकै लागि स्थापना भएको दाबी गरे । उनले भने, ‘हवाई जहाजको लागि सुरक्षित स्थान ह्याङ्गर नै हो । जहाज उडानको लागि बनाइएको हो । थन्काएर खाँदा हामी मूल उद्देश्यबाट विमुख भएका हुन्छौँ । त्यसैले कोषमा पैसा संकलन मात्रै गरेर राख्ने जस्तो कोषको उद्देश्य होइन ।’