बैठकमा दुवै प्रतिवेदन पेश भएका छन्, आइतबार एउटै बनाउँछौं : लेखराज भट्ट

२६ भदौ, काठमाडौं । नेकपा एमालेको निर्वाचन समीक्षा तथा पार्टी पुनर्गठन कार्यदलमा दुईवटा छुट्टाछुट्टै प्रतिवेदन पेस भएका छन्।

शुक्रबार बसेको कार्यदलको बैठकमा कार्यदल संयोजक तथा पार्टी उपाध्यक्ष रामबहादुर थापा र महासचिव शंकर पोखरेलले आ–आफ्ना प्रतिवेदन पेस गरेका हुन्। दुवै प्रतिवेदन अध्ययन गरी एउटै एकीकृत प्रतिवेदन तयार पारेर पार्टी सचिवालयमा पेस गर्ने निर्णय भएको एमालेका उपमहासचिव लेखराज भट्टले जानकारी दिए।