एमाले सल्लाहकारहरूको सुझाव : गुन्डूको ‘ओली कुटी’ प्रोजेक्ट खारेज गरौँ, बालकोटको घर पार्टीकै कोषबाट मर्मत गरौँ

काठमाडौं – नेकपा एमालेका सल्लाहकारहरूले अध्यक्ष केपी शर्मा ओलीका लागि गुन्डूमा सचिव महेश बस्नेतको पहलमा निर्माण गर्न थालिएको ‘ओली कुटी’ प्रोजेक्ट खारेज गर्न सुझाव दिएका छन्।

उपाध्यक्ष रामबहादुर थापा बादल र महासचिव शंकर पोखरेलसहितको एमाले पुनर्गठन कार्यदललाई सल्लाहकारहरूले यस्तो सुझाव दिएका हुन् । ‘ओली कुटी’ निर्माणका नाममा व्यवसायी लगायतसँग रकम उठाउँदा पार्टीको छवि बिगारेको भन्दै त्यसलाई रोक्न उनीहरूले सुझाव दिएका हुन्।