एक खेल अगावै अष्ट्रेलियालाई सिरिज

काठमाडौं । अस्ट्रेलियाले बंगलादेश विरुद्धको दोस्रो ट्वान्टी–२० अन्तर्राष्ट्रिय क्रिकेटमा ७ रनको रोमान्चक जित दर्ता गर्दै शृङ्खला खेल अगावै आफ्नो पक्षमा पारेको छ । शुक्रबार भएको खेलमा जित हात पार्दै पाहुना टोली अस्ट्रेलियाले तीन खेलको शृङ्खलामा २–० को अग्रता लिँदै आफ्नो पक्षमा पारेको हो । यसअघि ढाकामा भएको एकदिवसीय शृङ्खला गुमाएको अस्ट्रेलियाका लागि यो जित बदला स्वरूप बनेको छ भने सन् २०२१ मा बंगलादेशसँग ब्यहोरेको ४–१ को ऐतिहासिक हारको तितो सम्झनालाई समेत यस जितले मेटाएको छ ।

पहिले ब्याटिङ गरेको अस्ट्रेलियाले निर्धारित २० ओभरमा ५ विकेट गुमाएर १९७ रनको बलियो योगफल तयार पारेको थियो । अस्ट्रेलियाको सुरुआत निकै खराब रहेको थियो र टोलीले पावरप्लेभित्रै आफ्ना ३ शीर्ष ब्याटरलाई गुमाइसकेको थियो । ओपनर जोस इङ्लिसलाई नासुम अहमदले एलबीडब्लू आउट गरे भने अर्का इन–फर्म ब्याटर कुपर कोनोली र कप्तान मिचेल मार्स पनि सस्तैमा पभेलियन फर्किए ।