हिमालमा देखिएको संकट कुनै एक देश विशेषको मात्रै होइन : प्रचण्ड

२६ भदौ, काठमाडौं । नेपाल कम्युनिस्ट पार्टी(नेकपा)का संयोजक पुष्पकमल दाहाल ‘प्रचण्ड’ हिमाल पग्लिने, हिमपहिरो जाने र हिमताल फुट्ने कुरा कुनै एक देश विशेषमा समस्या मात्रै नभएको बताएका छन् । शुक्रबार जनकपुरधाममा पत्रकारसँग कुराकानी गर्दै उनले यस्तो बताएका हुन् ।

‘रसुवा भोटेकोशी र त्रिशूलीमा आएको प्रलयको कारण मानवीय भौतिक क्षति अकल्पनीय रूपमा भएको छ । त्यसले देशलाई स्तब्ध बनाएको छ,’ प्रचण्डले भने, ‘देशलाई मात्रै होइन्, सिंगो विश्वलाई उद्वेलित बनाएको छ ।’