दुई दिनमा साढे ३ लाख सिलिन्डर ग्यास भित्रियो, उपभोक्तालाई भने अझै सास्ती

काठमाडौं – पछिल्लो दुई दिनमा भारतबाट नेपालका विभिन्न नाका हुँदै झण्डै साढे ३ लाख सिलिन्डर बराबरको एलपी ग्यास भित्रिएको छ । नेपाल आयल निगमका अनुसार बिहीबार र शुक्रबार गरी दुई दिनमा ३ लाख ४५ हजार ८५ सिलिन्डर बराबरको ग्यास नेपाल आयात भएको हो ।

निगमको विवरणअनुसार उक्त अवधिमा कुल ४ हजार ९००.२ मेट्रिक टन एलपी ग्यास नेपाल भित्रिएको छ । भदौ २५ गते ३ हजार ७७.९ मेट्रिक टन अर्थात् २ लाख १६ हजार ७५३ सिलिन्डर र भदौ २६ गते १ हजार ८२२.३ मेट्रिक टन अर्थात् १ लाख २८ हजार ३३२ सिलिन्डर बराबरको ग्यास आयात भएको छ ।