विश्व शान्तिका लागि अन्तर्राष्ट्रिय सहकार्य अपरिहार्य : एन्टोनियो गुटेर्रेस

काठमाडौँ। संयुक्त राष्ट्रसंघका महासचिव एन्टोनियो गुटेर्रेसले वर्तमानको अशान्त विश्वमा अन्तर्राष्ट्रिय सहयोग र ऐक्यबद्धतामार्फत मात्रै विश्वव्यापी चुनौतीहरूको प्रभावकारी समाधान सम्भव हुने बताएका छन्।

संयुक्त राष्ट्रसंघको बडापत्र दिवस (यूएन चार्टर डे) का अवसरमा आयोजित महासभाको अनौपचारिक बैठकलाई सम्बोधन गर्दै महासचिव गुटेर्रेसले साझा चुनौतीहरूको सामना गर्न बहुपक्षीय सहकार्य अपरिहार्य रहेको उल्लेख गरे। उनले सहकार्य गर्नु आदर्शवाद नभई वर्तमान विश्वको यथार्थ आवश्यकता भएको स्पष्ट पारे।