भियतनाममा १.५ अर्ब डलरको चिप परीक्षण कारखाना खोल्दैछ सामसङ

हानोई । सामसङ इलेक्ट्रोनिक्सले भियतनाममा झन्डै ३९० खर्ब डोंग (लगभग १ अर्ब ५० करोड अमेरिकी डलर) लगानी गरेर भियतनाममा सेमिकन्डक्टर (चिप) परीक्षण कारखाना बनाउने योजना बनाएको छ । रोयटर्सले हेरेको प्रस्ताव दस्ताबेजअनुसार यो विस्तार विश्वव्यापी रूपमा कृत्रिम बौद्धिकता (एआई)सम्बन्धी माग बढेसँगै उत्पन्न मेमोरी चिप अभाव कम गर्न सहयोगी हुने अपेक्षा गरिएको छ ।

नयाँ कारखाना हानोईबाट करिब ६० किलोमिटर उत्तरमा रहेको औद्योगिक क्षेत्रमा निर्माण भइरहेको छ । दस्ताबेजअनुसार कारखानाले नोभेम्बर २०२७ देखि सञ्चालन सुरु गर्ने लक्ष्य राखिएको छ । यो भियतनाममा सामसङको पहिलो चिप परीक्षण कारखाना हुनेछ । एआई डेटा सेन्टर सञ्चालकहरूको तीव्र मागका कारण डीर्‍याम र एनएनएन्डी जस्ता मेमोरी चिपहरूको आपूर्ति विश्वभर दबाबमा परेको छ, जसले स्मार्टफोन, ल्यापटप तथा अटोमोबाइल उद्योगमा समेत असर पारेको छ ।