कार्यवाहक अमेरिकी राजदूत बोल्डिन र परराष्ट्रमन्त्री खनालबिच भेट

कार्यवाहक अमेरिकी राजदूत मेगन बोल्डिनले शुक्रबार परराष्ट्रमन्त्री शिशिर खनालसँग भेटेकी छन्।

भेटमा उनले नेपालमा हालै आएको विनाशकारी बाढीबाट भएको जनधनको क्षतिप्रति सहानुभूति व्यक्त गरेको नेपालस्थित अमेरिकी दूतावासले जानकारी दिएको छ। खोज तथा उद्धार कार्य जारी रहेका बेला उनले हराइरहेका अमेरिकी नागरिकसहित बाढीका अन्य पीडितको खोजीमा भइरहेको प्रयासका लागि नेपाल सरकारप्रति आभार व्यक्त गरिन्।