बजारीकरण र भुक्तानीको अभावमा इलामका चिया र दुग्ध किसान मर्कामा

इलाम । इलाममा सञ्चालित चिया तथा दुग्धजन्य उद्योगहरूले उचित बजारीकरणको अभाव झेल्नुपरेको भन्दै नेपाली कांग्रेसका सचेतक निष्कल राईले सरकारको ध्यानाकर्षण गराएका छन् ।

उद्योगहरूको सङ्ख्या उल्लेख्य भए पनि किसान र उद्यमीले उत्पादनको तुलनात्मक प्रतिफल पाउन नसकेको उनले बताएका हुन् । इलामको औद्योगिक अवस्थाबारे जानकारी दिँदै सचेतक राईले त्यहाँ १५ भन्दा बढी चिया कारखाना, १५० भन्दा बढी छुर्पी उद्योग र सयौँको सङ्ख्यामा दुग्ध मिठाई (ललिपप) उद्योगहरू सञ्चालनमा रहेको उल्लेख गरे ।