नेपाल भलिबल लिग: कर्णाली शिवराज फाइनलमा

लिगमा बेहोरेको हारको बदला लिँदै कर्णाली शिवराज जारी नेपाल भलिबल लिग (एनभिएल) को पहिलो सिजनको फाइनलमा पुगेको छ।

फाइनलका लागि शुक्रबार भएको प्लेअफ खेलमा कर्णाली शिवराजले काठमाडौं रेड्समाथि ३–१ को सेटमा जित निकाल्दै उपाधि भिडन्त तय गरेको हो। कर्णाली शिवराजले शनिबार पहिलो सिजनको उपाधिका लागि अन्नपूर्ण स्पाइकर किङ्ससँग खेल्नेछ। अन्नपूर्ण स्पाइकर भने लिगको शीर्ष स्थानमा रहँदै सिधै फाइनलमा पुगेको हो।