रास्वपा महाधिवेशन : हिमेश पन्तद्वारा उम्मेदवारी घोषणा

राष्ट्रिय स्वतन्त्र पार्टी (रास्वपा) को प्रथम ऐतिहासिक महाधिवेशनको चहलपहल बढिरहँदा युवा नेता हिमेश पन्तले केन्द्रीय सदस्य पदका लागि उम्मेदवारी घोषणा गरेका छन्।

शनिबार एक भिडियोमार्फत उनले असार ७ देखि ९ गतेसम्म चितवनको भरतपुरमा हुने महाधिवेशनमा आफ्नो उम्मेदवारी घोषणा गरेका हुन्। २०७९ सालमा संघीय उम्मेदवार बनेका उनले २०८२ मा पार्टीका अन्य उम्मेदवारलाई अवसर दिएर जिताउन सक्रिय भूमिका खेलेको दाबी गरेका छन्। उनले संगठन सुदृढीकरणलाई आफ्नो प्राथमिकतामा राखेका छन्।