अस्पतालबाहिर सुत्केरी गराइएको घटनामा छ कर्मचारीमाथि कारबाही

गजेन्द्रनारायण सिंह अस्पताल, राजविराजको मूल गेटबाहिर एक महिलाले बच्चा जन्माएको घटना सार्वजनिक भएपछि अस्पतालले एक चिकित्सकसहित छ जना कर्मचारीलाई कामकाजबाट हटाएको छ ।

घटना भएका दिन प्रसूति वार्डमा ड्युटीमा रहेका चार जना स्वास्थ्यकर्मी, एक जना चौकीदार र एक जना सरसफाइकर्मी गरी छ जनालाई कामकाजबाट हटाइएको हो ।