ड्रोन आक्रमणपछि साउदी अरबको ईस्ट–वेस्ट तेल पाइपलाइन अस्थायी रूपमा बन्द

काठमाडौं । साउदी अरबले शुक्रबार सावधानीका रूपमा आफ्नो महत्वपूर्ण ईस्ट–वेस्ट तेल पाइपलाइन अस्थायी रूपमा बन्द गरेको छ । उक्त पाइपलाइनमा बिहीबार कैयौँ ड्रोन आक्रमण भएका थिए ।

साउदी अधिकारीहरूका अनुसार आक्रमणमा केही व्यक्ति घाइते भएका छन् भने पाइपलाइनमा समेत क्षति पुगेको छ । साउदी प्रेस एजेन्सी (एसपीए)ले ऊर्जा मन्त्रालयका एक अधिकारीलाई उद्धृत गर्दै सेप्टेम्बर १० को बिहान ईस्ट–वेस्ट पाइपलाइनमा कैयौँ आक्रमण भएको जनाएको छ ।