मुख्यमन्त्री कार्यालयका ‘जलेको’ भनिएका ३० थान ल्यापटप र १४ थान मोबाइल कसले चोर्‍यो ?

विराटनगर । कोशी प्रदेशको मुख्यमन्त्री तथा मन्त्रिपरिषदको कार्यालयमा सरकारी जिन्सी सामान हिनामिना भएको भन्दै उजुरी दर्ता भएको छ । मुख्यमन्त्री तथा मन्त्रिपरिषद कार्यालयकै गुनासो व्यवस्थापन प्रणालीमा ‘अति जरुरी’ भन्दै दर्ता भएको उक्त उजुरीमा जेनजी आन्दोलनका क्रममा जलेर नष्ट भएको दाबी गरिएका ल्यापटप र मोबाइल फोनहरू वास्तवमा नजलेको र कर्मचारीहरूले व्यक्तिगत प्रयोगका लागि घर लगेको आशङ्का व्यक्त गरिएको छ ।

‘आन्दोलनमा जलेको भनेर अफिसको ल्यापटप, मोबाइल, सवारी साधन र अरू सामान व्यक्तिगत बनाएर पचाउने काम नगरौँ,’ उजुरीमा कर्मचारीलाई आह्वान गरिएको छ । मुख्यमन्त्री कार्यालयले ३० थान ल्यापटप र १४ थान मोबाइल जलेको विवरण दिएको थियो ।