बैंकहरूमा अधिक तरलता, कर्जा प्रवाह सुस्त

काठमाडौँ । चालु आर्थिक वर्षको फागुनसम्म बैंकिङ क्षेत्रमा अधिक तरलता रहेको छ। बुधवार अर्थमन्त्री डा. स्वर्णिम वाग्लेले सार्वजनिक गरेको चालु आर्थिक वर्ष २०८२/८३ को आर्थिक सर्वेक्षणले यस्तो देखाएको हो । अर्थमन्त्री वाग्लेका अनुसार बैंकिङ क्षेत्रमा अधिक तरलता रहे पनि कर्जा प्रवाह भने सुस्त रहेको छ।

निक्षेप सङ्कलनको तुलनामा कर्जाको माग बढ्न नसक्दा बैंकिङ प्रणालीमा तरलता थुप्रिएको अर्थमन्त्रीले बताएका छन् । त्यस्तै बैंकहरुमा खराब कर्जा (निष्क्रिय कर्जा) को दर समेत बढेर साढे ५ प्रतिशत नजिक पुगेको आर्थिक सर्वेक्षणमा उल्लेख गरिएको छ ।