हाइड्रोपोनिक्स: आधुनिक कृषिको नयाँ सम्भावना

काठमाडौंको टोखामा पुग्दा परम्परागत कृषि प्रणालीभन्दा फरक दृश्य देखिन्छ। खेतमा माटो छैन तर हरिया लोभलाग्दा तरकारी। बिरुवाका जराले माटो होइन, पानी र आवश्यक पोषक तत्त्वको सहायतामा आफ्नो उत्पादन दिइरहेका छन्।

धेरैलाई यसको बारेमा थाहा भए पनि केहीका लागि यो नौलो लाग्न सक्छ। कृषि क्षेत्रमा प्रविधिको प्रयोग बढ्दै जाँदा नेपालमा माटोरहित खेतीको अवधारणा विस्तार हुँदै गएको छ। यही बदलिँदो कृषि अवधारणालाई व्यवहारमा उतार्न तल्लीन छ, हाइड्रोपोनिक्स नेपाल प्रालि।