नेपालमा विदेशी पर्यटकः १६ दिन बस्छन, दैनिक खर्च ३३ डलर

सरकारले पर्यटन क्षेत्रमा सकारात्मक सुधार देखिएको बताएको छ। आर्थिक वर्ष २०८२/८३ को आर्थिक सर्वेक्षण सार्वजनिक गर्दै विदेशी पर्यटकको नेपाल आगमन बढिरहेको र उनीहरुको नेपाल बसाई अवधि पनि लम्बिएको सरकारले बताएको छ। नेपालमा बसाई अवधि लम्बिएको भएपनि ती पाहुनाले गर्ने दैनिक खर्च भने घटेको सरकारी भनाई छ।

नेपाल भित्रिएका विदेशी पाहुनाको बसाई अवधि लम्बिएर औसत बसाई १६.३४ दिन पुगेको आर्थिक सर्वेक्षणले देखाएको छ। नेपाल भित्रिएका ती पर्यटकको औसत खर्च भने तुलनात्मक रुपमा घटेको छ। नेपालमा सन् २०२५ मा ११ लाख ६२ हजार विदेशी पर्यटक भित्रिएका थिए। ती पाहुनाको औसत बसाइ १६.३४ दिन र प्रतिपर्यटन प्रतिदिन औसत खर्च ३३.०८ डलर रहेको सर्वेक्षणमा उल्लेख छ।