गोकुल बाँस्कोटाको कटाक्ष- बादललाई चुनवाङको झल्को, प्रचण्डलाई नयाँ क्षेत्रको खोजी

काठमाडौं। नेकपा एमालेका नेता गोकुल बाँस्कोटाले सामाजिक सञ्जालमार्फत समसामयिक राजनीतिक घटनाक्रम र पार्टीभित्रको आन्तरिक गृहकार्यलाई लिएर व्यङ्ग्य गरेका छन्। उनले फेसबुकमा टिप्पणी गर्दै पार्टीका नेताहरूमाथि कटाक्ष गरेका हुन्।

बाँस्कोटाले लेखेका छन्, ‘नोष्टाल्जिक आनन्द! बादललाई एमालेमा चुनवाङ बैठकको झल्कोले सताउनु, एमालेकै पूर्व सांसदले प्रतिनिधि सभा पुनर्स्थापित भएको सम्झनु र प्रचण्डको जित्ने क्षेत्र सकिएकाले आकाशे क्षेत्रको खोजीमा पस्नु। सपना देख्न देउ- हठात नबिँउझाउ कसैले।’