एसिसी प्रिमियर कप फाइनलः युएईलाई ३१४ रनको लक्ष्य

तेस्रो संस्करणको एसिसी प्रिमियर कप प्रतियोगिताको फाइनलमा नेपालले युनाइटेड अरब इमिरेट्स (युएई) लाई ३१४ रनको लक्ष्य प्रस्तुत गरेको छ।

टस जितेर पहिला ब्याटिङ गरेको नेपालले पुरै ५० ओभर खेल्दै ९ विकेटको क्षतिमा ३१३ रन जोडेको हो। नेपालका लागि ओपनर आसिफ शेखले शतक प्रहार गरेका थिए । उनले १०६ बल खेल्ने क्रममा ८ चौका र ४ छक्काको मद्दतमा १०२ रन जोडे। यस्तै, गुल्सन झाले ३८ बलमा ३ चौका र ४ छक्का हान्दै ५२ रन जोडेका थिए।