प्रहरी र सशस्त्रका आईजीपीसहित तत्कालिन सिडिओलाई कारबाही गर्न सिफारिस

काठमाडौं । राष्ट्रिय मानव अधिकार आयोगको प्रतिवेदनले नेपाल प्रहरीका आईजीपी दानबहादुर कार्की र सशस्त्रका आईजीपी नारायणप्रसाद पौडेललाई कारवाही सिफारिस गरेको छ ।

जेनजी आन्दोलनमा त्रुटिपूर्ण काम गरेको भन्दै आयोगले आईजीपीद्वय कार्की र पौडेललाई कारवाही सिफारिस गरेको हो । उनीहरू सो घटनाको समयमा एआईजी दर्जामा कार्यरत थिए । उनीहरूसँगै उपत्यका प्रहरीका डीआईजी ओमबहादुर राना, एसएसपी विश्व अधिकारी, सशस्त्रका तत्कालीन एसपी जीवन केसी, राष्ट्रिय अनुसन्धान विभागका तत्कालीन निर्देशक कृष्ण खनाल, काठमाडौँका तत्कालीन प्रमुख जिल्ला अधिकारी छविलाल रिजाललाई पनि कारबाही सिफारिस गरिएको छ ।