नख्खु ‘जेलब्रेक’ प्रकरणमा रवि र जेलरको मिलोमतोमाथि अनुसन्धान सिफारिस

राष्ट्रिय मानव अधिकार आयोगले भदौ २३ र २४ गते भएको जेन-जी आन्दोलनका क्रममा नख्खु कारागारमा भएको ‘जेलब्रेक’ घटनामा राष्ट्रिय स्वतन्त्र पार्टीका सभापति रवि लामिछाने र तत्कालीन जेलरबीचको सम्भावित मिलोमतोमाथि सूक्ष्म अनुसन्धान गर्न सिफारिस गरेको छ।

आयोग सदस्य डा. लिली थापाको संयोजकत्वमा गठित छानबिन समितिको प्रतिवेदनका आधारमा आयोगले लामिछानेलाई कारागारबाट बाहिर निकाल्ने प्रक्रियामा फौजदारी अपराध भएको हुन सक्ने भन्दै उनीमाथि अनुसन्धान र कारबाहीको माग गरेको हो।