दाङमा प्रहरीको जग्गामा बसोबास गर्नेहरूलाई १५ दिनभित्र खाली गर्न सूचना

बुटवल । दाङको घोराहीस्थित लुम्बिनी प्रदेश प्रहरी विद्यालयले आफ्नो नाममा रहेको जग्गा अतिक्रमण गरी बसोबास गर्दै आएका व्यक्तिहरूलाई १५ दिनभित्र जग्गा खाली गर्न आग्रह गरेको छ ।

विद्यालय प्रशासन शाखाद्वारा जारी सूचनाअनुसार जिल्ला दाङ साविक सोनपुर गाविस वडा नं. ५ ‘ख’, हाल लमही नगरपालिका वडा नं. ३ सोनपुरस्थित कित्ता नं. ४१४ को २१–७–०–० (१४ हजार ५३९.४४ वर्गमिटर) क्षेत्रफल रहेको जग्गामा अनधिकृत रूपमा घरटहरा निर्माण गरी वा भोगचलन गर्दै आएका भनिएका व्यक्तिहरूलाई तोकिएको समयभित्र संरचना हटाउन भनिएको हो ।