आर्थिक वृद्धि र पूर्वाधार विस्तारले सङ्घीयताको औचित्य पुष्टि : मुख्यमन्त्री आचार्य

बुटवल । लुम्बिनी प्रदेश सभा को आठौँ अधिवेशनअन्तर्गत आठौँ बैठकलाई आज सम्बोधन गर्दै चेतनारायण आचार्य ले अघिल्ला सरकारले अघि सारेका विकास कार्यक्रमलाई बिचमै नछोडी निरन्तरता दिनु नै सरकारको दायित्व भएको बताएका छन्।

मुख्यमन्त्री आचार्यले नीति तथा कार्यक्रममा छुटेका विषयहरू आगामी बजेटमार्फत समेटिने स्पष्ट पार्दै स्थापनाकालदेखि सञ्चालनमा रहेका धेरै कार्यक्रमलाई निरन्तरताका साथ अघि बढाइएको बताए। साथै नयाँ सोच र दृष्टिकोणका कार्यक्रमसमेत समावेश गरिएको उनको भनाइ थियो।