आर्थिक अनियमितताको आशंकामा डीडीसीमा सीआईबीको छापा

दुग्ध विकास संस्थान (डीडीसी) मा आर्थिक अनियमितता भएको आशंकापछि नेपाल प्रहरीको केन्द्रीय अनुसन्धान ब्यूरो (सीआईबी)ले संस्थाको लैनचौरस्थित केन्द्रीय कार्यालयमा अनुसन्धान प्रक्रिया अघि बढाएको छ।

बुधबार पुगेको सीआईबी टोलीले अनुसन्धानका क्रममा केही कर्मचारीसँग सम्बन्धित सामग्री संकलन गरेको जनाएको छ। प्रारम्भिक अनुसन्धानका लागि पाँच कर्मचारीका मोबाइल उपकरण नियन्त्रणमा लिइएको तथा दूध खरिद–बिक्रीसँग सम्बन्धित केही कागजात पनि अध्ययनका लागि संकलन गरिएको बताइएको छ।